Sunday, January 19, 2014

Bother Why an Apple Falls Off an Apple Tree? Join This New School of Philosophy!


I am opening a School of Layman Philosophy where we, you, friends, and I, may freely philosophize.

A story is told of a man who, while enjoying his lazy hours under an apple tree, a fruit falls and hits his forehead. Startled, he wakes up and asks why the apple fell off the tree. Now, that is the most foolish question one may dare to ask. (Mind you, he did not ask what luck or bad luck made the apple, of all the places, fall on his skull; or, of all the times, why it fell exactly when he happened to be under the falling apple. That would have been smart and would have made that guy the brainiest pal in history. Sadly for him, he wasted the chance.) Every one of us knows pretty well why an apple falls off an apple tree. We didn't bother saying why, for it would sound foolish to talk about something so foolish. That guy, who they call Newton, however, spoke his answer out loud. And now, believe it or not, everyone calls him a philosopher or a scientist!  

So, because I know that you know why an apple falls off a tree, I am going to open a School of Laywoman Philosophy where we won’t be ashamed of speaking out our foolish questions and answers.

Every school child has a Superman at heart. If asked, s/he would have talked about that for hours. The child did not speak, for we did not let him. Why would we? But, there once was a man called Nietzsche who spoke out loud about his Superman. And now, they all call him a philosopher.

So will I open a School of Laypeople Philosophy where all of us may allow the child in us speak freely.   

If I had known more stories of such foolish people who spoke their foolish ideas with not a glint of shame and are called philosophers, I would have told you all. But no, even if I knew, why should I fatigue your eyes by rewriting stories you might already have read a thousand times? Most of all, why should I waste my time quoting others while I myself could philosophize my heart out?

So, I am going to open a School of Lay-Pals Philosophy where I would like you all to join me philosophizing without having to quote other or repeat them or feel that we did not read enough to fool around like them. This is going to be a school where we all learn and teach with no penny, a school where our very heart is our classroom, and our blackboard or whiteboard or blueboard or pinkboard is our blog: Ubuntu ‘n Pulto at www.opulto.blogpost.com. Fear not, here, we play it out with a very simple, single, convenient rule: WE DO NOT RECOGNIZE ANYONE AS AN AUTHORITY ON PHILOSOPHY. We do not mean disrespect with that to any of those guys. We only mean we are African’s and we know what that means.

What does that mean? Allow me to insert I and my here. That only means I know that: my late grandma, W/ro Bogalech, was a philosopher. Not only she (who will herself come to you in God’s good time in her biography: The Life and Death of a Mosquito and W/ro Bogaleche’s Philosophy), but each of her thirteen husbands (you read me right) were philosophers as well. The medicine man who used to visit our house whenever granny was sick was a philosopher too. So was the priest who, as a child, used to scare me with his cold holy water. Even the spirit that used to bother grandma whenever she fails to observe the Atete Rite was a philosopher. So, who is he who dares to tell me that he is a philosopher and not they, my teachers? Or, she is and not I, their disciple? Or, they are and not you, my “schoolmates”? We are Africans and we know this: we are all philosophers. Only, we are shy to share our thoughts we live with afraid that it might sound silly or superstitious.

So, I am going to open a School of Philosophy for us to share our silly and downright foolish thoughts with no fear whatsoever, in order, not to be called a philosopher or to pretend to know, but to awaken the philosopher in all of us and set her free and for the pleasure of being able to say our thoughts freely with no fear of being judged or laughed at. Philosophizing, there is one simple but weighty fun-task I would like us to accomplish together, the details of which I cannot tell you now. I can simply say that I would like us to build a universe. Weighty, isn’t it? How so, I cannot say, for I did not carry a universe on my shoulder as yet and I did not ask Atlas how heavy the universe might be compared to the earth he is carrying around. A little while and I will come with the details of how we will have fun building our universe. In the meantime, you may want to visit our blog www.opulto.blogspote.com where you may find starter foolish ideas that may wet your appetite to philosophize even better. So long! 

ኣንድ እርምጃ ወደራስ፣ ወይ ለዕብደት፣ ወይ ለዓርነት …

ህይወት መላወሻ፣ ማመለጫ ስትነሳው፤
ከራሱ ልቦና ጠለቆ ይገባል ሰው፡፡
ዓርነት ሊወጣ፣ ወይም … ጭራሹኑ ሊያብደው፡፡

ኤላን ፍለጋ/የኣዞ ኮሌጅ
ልቦለድ ታሪክ ከኦ’ታም ፑልቶ
መግቢያ ወይም መውጫ

ይህ፣ የትግል ታሪክ ነው። ይህ፣ ልንረዳውም ልንቆጣጠረውም ከምንችለው በላይ በሆነ የለውጥ ሂደት ውስጥ ማንነትን የመፈለግ፣ ህልምን ለሟሟላት የመውደቅና የመነሳት፣ እማይታሰብ ህማምን የመቀበል ታሪክ ነው። ዓለም በአሜኬላ እንደታጠረች እስር ቤት ሆናበት መሄጃ መላወሻ ስትነፍገው፣ ሰው ወደራሱ ውስጥ ይሰጥማል። ወይ ኣብዶ ቀውሶ ሊጠፋ፣ ወይም ፍፁም ሃያል ማንነቱን ሊያገኝ። ይህ፣ ወደራሱ ውስጥ ፍፁም ጠልቆ የራሱን ብቻ ሳይሆን የሁላችንንም ሃይል ከነፍሱ ማህፀን ፈልቅቆ ለማውጣት የቻለ የኣንድ ሰው ታሪክ ነው። ግን፣ ይህ ሃይሉ፣ መጥፊያውና መጥፊያችን ይሆን ይሆን ወይስ መዳኛውና መዳኛችን? ሃይሏ ዕዳዋ እንደሆነባት ዓለም ሃይሉ ዕዳውና ዕዳችን ይሆን ይሆን?

ይህ፣ በኣገር-በቀል ባህሎችና በዘመናዊነት መካከል እየሆነ ስላለው የማያቋርፅ ፀብ የሚተርክ ታሪክ ነው። በተፈጥሮና በፈጠራ፣ በለውጥና በቋሚነት፣ በግለሰብና በማህበረሰብ፣ በነፃነትና በታዛዥነት፣ … መካከል ስላለው የማያቋርጥ ፍልሚያ የሚተርክ ታሪክ። ይህ የኩሴ ታሪክ ነው። ይህ፣ ኤላን፣ በኮንሶ ስነ-መለኮት ውስጥ ሃያል የውሃ (የምንጭ) ጠባቂ መንፈስ የሆነውን ኤላን፣ ፍለጋ ወጥቶ ሺህ መናፍስትን ከልቡም ከየኣዙሪቱም ውስጥ ያገኘው የኮንሶው የኩሴ ታሪክ ነው። ባህሉን መጠበቅ የተፈጠረለት ዓላማ፣ የመወለዱም፣ የመኖሩም ምክንያት፣ እንደሆነ ያስብ ነበር ኩሴ። ግን፣ ከዚያው፣ ሊጠብቀው ከተነሳው ባህል ጋር እርቅ-ኣልባ በሚመስል ግጭት ውስጥ ይገባል። ምክንያቱ ጥላቻ ኣይደለም፤ ፍቅር ነው። ኣፈቀረ። ኣፈቀረና፣ ድንበር ዘለለ። ተገደለ፣ ገደለ፣ ተወገዘ፣ ተጋዘ። ፍቅር ሁልግዜም እንዲህ ያደርጋል። ግን፣ ይህ የፍቅር ዘለዓለማዊ ህግ ነው? ኩሴን መሳይ ሰዎች ይህንን እውነት ሊቀይሩ ኣይቻላቸውም? ይህች ዓለም፣ ይህች ኑሮ ምንድናት? ሰውስ ምንድነው? ባህልስ ምን? ተፈጥሮስ፣ ጊዜስ፣ ቦታስ፣ ነፍስስ፣ መንፈስስ፣ ሃይልስ፣ ስልጣንስ፣ እምነትስ፣ ፅናትስ? ትዕግስት እራሷ ምንድነች? ትዕግስት? ለነዚህ ሁሉ ምላሽ ለመስጠት እሚሳነው እማይመስለው ኩሴ፣ እንዴት ላረጀ የፍቅር ህግ ይገብራል? እንዴት ላረጀ የፍቅር ጥሪ ምላሽ ይሰጣል? ወይስ እሱ በፍቅር ሰንሰለት ተተብትበው ወደ ጥፋታቸው እንዳዘገሙ ታሪክ እንደማይረሳቸው ሃያላን፣ ሃይሉ ድክመቱም የሆነበት፣ የተፈረደበት ምስኪን ነው?

ምነው፣ ፍቅር እንዲህ ጨከነች? ምነው፣ ህይወት እንዲህ ፀለመች? ምነው፣ ትግል እንዲህ በረታች? ምነው፣ ጥበብ እንዲህ ትርጉም ኣጣች?

ይህ፣ የሞተ፤ ተነሳ፣ የኣሳደደ፤ ያዘ፤ ታሪክ ኣይደለም። ይህ፣ የጡዘትና የልብ ሰቀላ ተረክ ኣይደለም። ይህ፣ የጠያቂዎችና የፈላጊዎች፣ የፈረሱና የፈረሰኛው፣ ልቅ ሜዳ ነው። መውደቅ መነሳት የሚሆንበት፣ ሽንፈት ጀግንነት የሚሆንበት፣ ውድቀት ብቃት የሚሆንበት፣ ዝግመት ፍጥነት የሚሆንበት፣ በልቦና የመኳተን፣ በልቦና የመስጠም፣ በልቦና የመክነፍ ታሪክ። በዚያ ውስጥ ታላቅ ሃሴት፣ ታላቅ ስኬት፣ ታላቅ መብቃት ኣለ። ይህ፣ የኮንሶው የኩሴ፣ የሰው ልጆቹ የኛ ታሪክ ነው። ይህ፣ ወደ ራስ ማንነት፣ ወደ ነፍስ ጥልቀት፣ ወደ ተፈጥሮ ጉልጥምጥሚት፣ … የመመለስ ታሪክ ነው። ኣዎ፣ በዚያ ውስጥ ድንበር ዓልባነት፣ ዘመን ዓልባነት፣ ገደብ ዓልባነት ኣለ። መፃፉ፣ ታሪኩ፣ በሩን ብቻ ነው እሚከፍት። ዘልቀው እሚገቡት፣ እዚያ እሚደርሱት ኣንባቢያን ራሳቸው ናቸው። በዚህ በኣንድ በር ውስጥ የየራሳቸውን በር ያገኛሉ፤ በዚህ ኩሴ በተራመደበት ኣንድ መንገዱ ውስጥ የየራሳቸውን መንገድ ይቀይሳሉ። ታሪኩ በሶስት መቶ ገፆች ይጠናቀቃል። የኣንባቢያን ብራና ግን ከሺ ቅጠል በላይ ይገለጣል። ይህንን ስለዚህ መፃፍ ስናገር ኣላፍርም። ላለማንበብ ምክንያት የሚፈልግ፣ ካሻው ይህን ከምክንያቶቹ እንደ ኣንዱ ይቁጠር። የሚያነብ ግን ሁሌም ያነብባል። እርሱ እሚፈልገውን ያውቃልና ለማድረግ ምክንያት ኣያሻውም፤ ምክንያት ኣይገድበውም። እንዲህ ላለው ኣንባቢ ይህንን መፃፍ በልበ ሙሉነት እጋብዘዋለሁ። እርሱ፣ ያልኩት ሃሰት ወይም ግነት እንደሁ ኣንብቦ ይፈርዳል። በዚያ ውስጥ ቅሬታ የለም። ደስታ ብቻ። ምስጋና ብቻ።

ታሪኩ እንዲህ ነው፡ (ግድ የለም፣ የንባብ ስሜት እሚያጠፋ ሚስጥር ኣላወጣም፤ ሲጀመርም እንዲያ ያለ ምስጥር ብዙም የለበትምና።) - የኮንሶው ሰው ኩሴ ከባህሉ ጋር ይጋጭና፣ ለእስራትና ለስደት ይዳረጋል። ከዚያም ለኣርባ ዓመታት ግድም በኮንትሮባንድ ዓሳ ኣጥማጅነት በኣባያና በጫሞ ሃይቆች ላይ ይኖራል። በዚያ ህልም በሚመስል ውበት ውስጥ፣ በዚያ፣ ሞት በከበበው የኣዞ ኮሌጅ ውስጥ፣ ለኣርባ ዓመታት ህልም በሚመስል ህይወት ውስጥ በህማምም በትፍስህትም ይመላለሳል። ከልጅነቱ የተለከፈበትን፣ እቀዬው ተነበረች ምንጭ ውስጥ ፈልጎ ያላገኘውን፣ ሊያናግረው ተመኝቶ ኣለመወለደ ገደብ የሆነበትን፣ ኤላን መፈለጉን ኣያቆምም። እርግጥ ብዙ ግዜ ይክደዋል፤ እንደገና ግን ይፈልገዋል። ይህ የዕድሜ-ልክ ዕጣ-ፈንታው የሆነ ይመስላል። የሌለን ነገር፣ እማይገኝን ነገር፣ መፈለገ። ጥቁርን ድመት በጨለማ ክፍል ውስጥ መፈለግ እጅግ ኣስቸጋሪ ነው። በተለይ ድመቷ በዚያ ክፍል ውስጥ ካልሆነች፤ ይላሉ ኣሉ ሩሲያዊያን። (ይህ ሰዓሊ በቀለ መኮንን በኣንድ ዝግጅት ላይ ግጥሙን ኣንብቦ የግጥሙን መነሻ ሃሳብ ሲናገር የሰማሁት ነው።) ኣባባሉ ደስ ይላል። ፍለጋው ግን ለፈላጊው ጣዕር ነው። በተለይ እንደኩሴ ላሉ፣ ማንነታቸው፣ ህልምና እውናቸው፣ ፍቅርና ጥበባቸው በዚያች ጥቁር ድመት ዙሪያ ለሚሽከረከር ሰዎች።

ፍለጋ ግን በራሱ ስኬት ነው። ፅኑ ፍለጋ በራሱ ብቃትና ፅድቅ ነው። ልባዊ ፍለጋ በራሱ ማግኘት ነው። በማታብል፣ ማስመሰል በሌለባት ፍለጋ ውስጥ ሁሌም ባከነ እሚባል ጊዜ ኣይኖርም። እያንዳንዱ ስህተት፣ እያንዳንዱ ውድቀትም ኣንድ እርምጃ ወደፊት ነው። ከነፍስ የሆነ ፍለጋ ፈላጊው ባላሰበውም መንገድም ካንድ ግብ ሊያደርሰው ይችላል። ያ ግብ እሱ ያለመው ላይሆን ቢችልም። ግን፣ እዚያ ደረጃ የደረሰ፣ ሳያውቀውና ሳያልመው ይፈልገው የነበር ያንን ግብ እንደነ ይረዳል።

ኩሴ፣ በእንዲህ ኣይነት ኑሮ ውስጥ ኣልፎ የሕይወቱ መጨረሻ ላይ ደርሷል። ለህልፈቱ ኣንድ ሳምንት እንደቀረው ያውቃል። እና፣ ታሪኩ የሚሆነው በዚያ የኩሴ የመጨረሻ ሳምንት ውስጥ ነው። በዚህ ኣንድ ሳምንት ወስጥ የሰባ ዓመታት ህይወት እውን በሚመስል ትዝታና ምልሰት ኣነባበሮ ሆኖ ይቀርባል። እውን፣ ቀናት እንደ ቢይ ተነጣጥለው እሚንከባለሉ ጠጠሮች ናቸው? ወይስ እርስ በርሳቸው እንደ ጨሌ የተሰፋፉ፣ እንደ ኣነባበሮም ኣንዳቸው በሌላቸው ውስጥ ላይነጣጠሉ የተጋቡ፣ ሰፍነግን እንደሰረፀ ውሃስ ኣንዱ ቀን በሌላው ውስጥ የሰረፀ? … ብዙ ጥያቄ ያነሳል፣ ብዙ ጥያቄ ያስነሳል ትርክቱ። ማስታወስና መሆን ኣንደ የሚሆኑበት ልምደት።

ኩሴ፣ ሰባ ዓመታትን በሰባት ቀናት ውስጥ ይኖራል። ስምንተኛው ቀን ማጥፊያውና መጥፊያው ሊሆን እንዳለው ወስኗል። ይህ፣ ራሱ ብቻ የሚያውቀው፣ እንደ ቅዱስ ተልዕኮም እሚያየው ዕቅዱ ነው። ከሱ ሌላ ማንም የሚያውቀው የለምና ሊያደርስ ያለውን ጥፋት ማንም ሊመክተው፣ ማንም ሊቀንሰው የተዘጋጀ ኣይመስልም። በነዚህ ሰባት ቀናት ውስጥም ማመንና መክዳት፣ ፈልጎ ማጣትና ማግኘት፣ ተስፋና ቀቢፀተስፋ፣ ብራሄና ፅልመት፣ … ይፈራረቃሉ። ግን ግን፣ ሰው፣ በሰባት ቀናት ውስጥ ሰባ ዓመታት መኖር እየቻለ፣ ሰባ ዓመታት መዋተቱ ለምን ነው? ከነዚያ ዓይነት ሰባት ቀናት በላይስ ወይም በሁዋላስ መኖር ምን ትርጉም፣ ምን ፍሬ ሊኖረው? በተለይ ስምንተኛውን ቀን በፈቃድ ኣለማየት ለዓለም ምንዱባን ኣዲስ ቀን እሚወልድ ከሆነ፣ ራስን በፍቅር መሰዋት እሚበዛ ፅድቅ ነው? ኩሴ፣ ያንን የራዕየ-ዮሃንስን ዘንዶ በሚያክል ብርታት ዓለምን ሊውጣት ከዘንዶ ጋር ጎዞ ጀምሯል። የጉዞው መጨረሻ ያው ሁላችን እምናውቀው፣ ኣብረንም ባይሆን እምንደርስበት፣ ወደድንም ጠላንም ሁላችንም እምንሄድበት መቅደስ ነው። ሞት። ግን፣ ምን ዓይነት ሞት? ግን መቼ? ግን ለምን? ግን እንዴት? …


ከውጥንቅጡ ባሻገር

ህይወት ምስቅልቅሏ፣ ህልምና እውኗ የተሳከረባት፣ ብዬ’ንኳ ኣላማም።
መልከ-ጥፉነቷ፣ ዕብደቷ ሚስጢሯ ባይኖርማ ኖሮ ውበቷን ኣላይም።
ብዬ ልፅናና ስል፣ የራሴው ልቦና ራሴኑ ሞገተው፡
በልብህ ያኖርከው፣ ህልሜ እምትለው፣ ይሄ ህልም የማ’ነው?
ዓለሜ ናት ያልካት፣ የማ’ነች ይች ዓለም?
ህይወቴ ነው ያልከው፣ የማ’ነው ይህ ህይወት?
ይህንን ሳትመልስ እንዴት ታየህ ውበት?

የሲሳዬ ልጆች/ኬክሮስና ኬንትሮስ
ልቦለድ ታሪክ ከኦ’ታም ፑልቶ
መግቢያ ወይም መውጫ

ኣንዳንዴ የምትጽፋቸው ነገሮች ከእውነታው ዓለም ውጪ ይሆናሉ፤ ይሉኛል ሰዎች። ለኔ ግን እውን ሆኖ እሚታየኝ እነሱ ከእውነታው ወጣብን እሚሉት ነው፤ ብሎ ነበር ዶስቶዬቪስኪ። ካርል ዩንግ ደግሞ፣ ህይወትን ሙሉ እሚያደርጋት በሚስጢራት፣ በማይለኩና በማይተነበዩ ነገሮች መሞላቷ ነው፤ ይላል። (ሁለቱም ከቆየ የንባብ ትውስታዬ በኔ ኣባባል የተቀመጡ)። ይህ የህይወት ሚስጢራዊነት ዶስቶዮቪስኪን ለምናባዊ ፈጠራ፣ ካርል ዩንግን ለሳይንሳዊ ፈጠራ ኣነሳሳቸው። ግን፣ ምናባዊው ፈጠራ የቱ፣ ሳይንሱስ የቱ ነው? ዶስቶዮቪስኪና ኣንባቢዎቹ እውኑን ከፍንጠዛው (Fantasy) መለየት እንደተቸገሩት እኛም ኣንዳንዴ ሳይንሱን ከምናባዊ ፈጠራው ለመለየት እንቸገራለን። እንዲያውም እኚህ “ሳይንስ፣” “ፈጠራ፣” እሚባሉቱ ስያሜዎች እንዲሁ ልክ እንደሸቀጥ ማሻሻጫ ከላይ የተለጠፉ ነገሮች ብቻ እንደሆኑም እስከማሰብ እንደርሳለን። የሆነ ሆኖ፣ እነሆ የህይወት ውስብስብነትና ከስጋና ከደም በላይ የመሆን ኣዝማሚያዋ ጸሐፊውን ወደ ቅኔ፣ ሳይንቲስቱን ወደሳይንስ፣ ሙዚቀኛውን ወደሙዘቃ፣ ሃይማኖተኛውን ወደምናኔ እየመራ ኣለ። የሚስቶና የበያይነቱ ወዳጆች ደግሞ፣ ህይወት በየተቀመመችበት መልኩ ቀምሰው ለማጣጣም፣ በየተከፈተላቸው በር ሁሉ እየገቡም ኣገላብጠዋት ለማየት፣ ያዩትንም ለማሳየት፣ ይፍጨረጨራሉ። እንግዲህ፣ የሲሳዬ ልጆች/ኬክሮስና ኬንትሮስ፣ እንዲ ካሉ የበያይነቱ ወዳጆች ባንዱ የተጣፈ፣ በሳይንስም ሆነ በፈጠራ፣ በእውነታም ሆነ በፍንጠዛ፣ በህልምም ሆነ በእውን፣ በፍልስፍናም ሆነ በእምነት መሃል ድንበር እማይስል የህይወት ዳሰሳ ነው። ስለዚህም፣ …

የሲሳዬ ልጆች/ኬክሮስና ኬንትሮስ የፍለጋ ታሪክ ነው። በውስጡ ሦስት ንዑስ ታሪኮችን ይዟል፡ ሀ) ኣስሬ፣ ለ) ኣንድ ቢራቢሮና ሁለት ቢራቢሮዎች፣ እና ሐ) ጫማ ሰፊው። እነዚህ ታሪኮች በየራሳቸው ለብቻ የሚቆሙ ቢሆንም በመፃፉ ውስጥ በቀረቡበት መልኩ (ኣንዱ ታሪክ ካለቀ በሁዋላ ወደ ሁለተኛው ታሪክ የሚሸጋግር ሳይሆን የያንዳንዱ ታሪክ የመጀመሪያ ምዕራፍ ይተረካል፤ ከዚያም የእያንዳንዱ ታሪክ ሁለተኛ ምዕራፍ ይቀጥላል፤ ወዘተ…) ኣንድ ላይ መነበባቸው፣ የሚጨምረው ብዙ ነገር፣ የሚያስተላልፈውም የራሱ የሆነ ፍልስፍና ኣለ። በሦስቱም ታሪኮች ውስጥ ያሉ ገፀባህሪያት በእውኑ ዓለም እምብዛም በንቃት ላይ የተመሰረተ ግንኙነት ኣያደርጉም። ኣንባቢያን ግን በያንዳንዱ ገፀ-ባህሪያትና በታሪኮች መካከል ያለውን ስውር ግንኙነት ይረዳሉ። የመጽሐፉን ርዕሶች (መጽሐፉ ለምን ሁለት ርዕሶች እንደተሰጡት መግቢያው ላይ ተገልፆኣል።) ማብራራት ይህ ኣተራረክ የሚያስተላልፈውን መልዕክት ግልፅ ሊያደርግ ይችላል:-

ርዕስ ኣንድ:- የሲሳዬ ልጆች - ሲሳዬ፣ አምስት፣ ስድስት ሰባት በተሰኘው የስብሀት ገ/እግዚአብሔር ኣጭር ልቦለድ ውስጥ ያለ በሬ ነው። ይህ በሬ በቤተሰቡ ውስጥ ልክ እንደቤተሰቡ ኣባል በፍቅር ያደገ በሬ ነበር። በኣከባቢው በገባ ረሃብ የተመታው ቤተሰብ (በኣባወራው በርሱፈቃድ ኣማካኝነት) ኣባላቱን ከእልቂት ሊታደግ በሬውን ይሰዋዋል። ይህ ስለፍቅር የተደረገ የሚያፈቅሩትን የመሰዋት ታሪክ፣ ኣቶ በርሱፈቃድን ለዕብደትና ለሞት ይዳርጋል። ሌላ መስዋዕትነት። ይህ የጋሽ ስብሃት ታሪክ፣ በኢትዮጵያዊ ቤተሰቦች ውስጥ ያለውን ጥልቅ የፍቅርና የመስዋዕትነት ሕይወት እጅግ ውብ፣ እጅግ ልብ-ነኪ ኣድርጎ የሚገልፅ፣ ታላቅ ኢትዮጵያዊ ሥነጽሑፍ ነው። ሁላችንም ኢትዮጵያዊያን የዚህ ዓይነት የፍቅር ታሪክ ውልዶች ነን ማለት ይቻላል። በየቤታችን፣ እንዲህ ኣይነት ግንኙነት፣ እንዲህ ኣይነት ትሥሥር ኣለ። የሲሳዬ ልጆች ከሚያሳየው እውነታ ኣንዱ ይህ ነው - በኢትዮጵያዊ ቤተሰቦች ውስጥ ያለውን ጥልቅ የፍቅርና የመስዋዕትነት ሕይወት (ይህ በተለይ ኣስሬ በተሰኘው ታሪክ ውስጥ በኣስሬና በእናቱ፣ ቀጥሎም በኣስሬና በሚስቱ፣ በልጆቻቸውም መካከል፣ ባለው ጥብቅ ግንኙነት ይገለፃል)። ይህ የእያንዳንዳችን የሚታይ ግንኙነት፣ የሚታይ ታሪክ ምሳሌ ነው። ነገር ግን፣ በሕይወታችን ውስጥ የሚታይ ግንኙነት ብቻ ነው ያለው? ሁለተኛው ርዕስ፣ ይህንን ጥያቄ ይመልሳል። 

ርዕስ ሁለት፡- ኬክሮስና ኬንትሮስ - ኬክሮስና ኬንትሮስ (Latitude and Longitude)፣ በምድር ላይ ከምስራቅ ምዕራብ፣ ከሰሜን ደቡብ የተሠመረ የሃሳብ (imaginary) መስመር ነው። በመጽሐፉ ውስጥ ያለ ኣንድ ገፀባህሪይ፣ እኝህ መስመሮች የኣንድን ሰው ሃሳብ ከሌላ ሰው ሃሳብ፣ የኣንድን ሰው ህልም ከሌላ ሰው ህልም፣ የሚያገናኙ ሕቡዕ መስመሮች እንደሆኑ ኣድርጎ ይረዳል። ይህ፣ ሰዎች ምን በቦታ ቢለያዩ፣ በሰዎች መካከል ያለን ጥብቅና ስውር የእርስ በርስ ግንኙነት ያሳያል። ይህ ግንኙነት ምናልባት በመንፈስ (በፀሎት ወዘተ…) ወይም ደግሞ በኣዕምሮና በስሜት (ልክ በመንታዎች መካከል ኣለ ተብሎ እንደሚታመነው ኣይነት የልብ ለልብ ግንኙነት) ሊሆን ይችላል። ይህ፣ መጽሐፉ የሚያስተላልፈውን፣ በሰዎች መካከል፣ ጥብቅ ግን ስውር ግንኙነት ኣለ፤ እርስ-በርሳችን ከምናስበው በላይ የተሳሰርን ነን፤ የሚለውን ዋነኛ መልዕክት በኣጭሩ የሚያስተላልፍ ርዕስ ነው።

እንግዲህ፣ የታሪኩ ኣካሄድ (የኣተራረክ ዘዴ) ይህንኑ ፍልስፍና፣ ማለትም በሰዎች መካከል ያለን ግልፅና ስውር ግንኙነትና ትስስር፣ የሚያመለክት ነው። እያንዳንዱን ታሪክ በዝርዝር ስንመለከት እንዲህ ያለው የእርስ-በርስ ግንኙነትና ተፅዕኖ ያለው በግለሰቦች መካከል ብቻም ሳይሆን በኣገሮችም መካከል እንደሆነ እንረዳለን። በተለይ፣ ኣንድ ቢራቢሮና ሁለት ብራቢሮዎች የሚለው ንዑስ ታሪክ፣ ከተለያዩ ኣገሮች ከተገኙ ልቦለዶች (ከራሽያ፣ ከሰሜን ኣሜሪካ፣ ከቻይና፣ ከደቡብ ኣሜሪካ፣ ወዘተ…) ገፀ-ባህሪያትን እንደገፀባህሪ በመጠቀም፣ በኣገሮችና በባህሎች መካከል ያለውን ተመሳሳይ ግልፅና ሕቡዕ ትስስር ያሳያል። እና፣ ይህንን ታሪክ የሚያነቡ ሁሉ፣ “የህልማችን ደራሲ ማነው? የታሪክ፣ የዕጣ-ፈንታችን ሸማኔ ማነው? ብቻችንን ነን?” የሚል ዓይነት ሁነኛ ጥያቄ ሊያነሱ ይችላሉ። ዛሬ ዓለም በግሎባላይዜሽን ተሳስራለች ከሚባለው ውጭም በሰዎችና በኣገሮች መካከል እጅግ ጥልቅ የሆነ የእርስ-በርስ ግንኙነት እንዳለ ተረድተውም ተግባራዊ ምላሽም ወደመስጠት ሊሄዱ ይችላሉ።

ከላይ እንደተባለው፣ የሲሳዬ ልጆች/ኬክሮስና ኬንትሮስ፣ የፍለጋ ታሪክ ነው። ምን ፍለጋ? የሚለውን እያንዳንዱን ንዑስ ታሪክ ባጭሩ በመዳሰስ እንመለከት:-

ኣስሬ:- ኣስሬ፣ በኣስተዳደጉ ዘገምተኛነት ምክንያት (እሱ ኦቲዝም እንዳለበት ነው የሚያስበው) ጓደኞቹም ሆኑ ሌሎች የማህበረሰቡ ኣባላት ጅል ሲሉት፣ ሲያንጓጥጡት፣ ሲያገልሉትና ሲፈሩት የሚያድግ ልጅ ነው። ማኅበረሰብ በግለ-ሰቦች ህይወት ላይ የሚያሳድረው ተፅዕኖ ምሳሌ የሆነው ይህ ተፅዕኖ፣ ኣስሬ ፍፁም ወደራሱ ዓለም ውስጥ እንዲሰጥም ያደርገዋል፤ ለጥፋት በዳረገው ነበር፣ ግን፣ ኣስሬ በልቡ ውስጥ ታላቅ ህልም ያገኛል። ይህ ህልም ምን እንደሁ ግልፅ ባይሆንም (ተደራሲ በታሪኩ ውስጥ ከሚነሱ ጉዳዮች ህልሙ ከኢትዮጵያ ትንሳኤ/ህዳሴ ጋር የተያያዘ እንደሆነ ይረዳሉ።) እሱ ህልሙን እውን ለማድረግ ይቆርጣል፤ ዝግጅትም ይጀምራል። ፈተናው ግን ብዙ ነው። ይህ፣ ከሚያፈቅረው ቤተሰብም ከማህበረሰቡም የሚመጣ ከባድ ፈተና ነው። ታሪኩ የሚያጠነጥነው ኣስሬ ይህንን የፍቅር ተፅዕኖ ሰብሮ ታላቅ ህልሙን እውን ለማድረግ በሚያደርገው ትግል ላይ ነው። ያሸንፍ ይሆን? ጠላትን ማሸነፍ ቀላል ይሆን ይሆናል። ፍቅርን ማሸነፍ እንዲያ ቀላል ይሆን? ወይስ፣ ሌላ መንገድ ኣለ? ይህ፣ ተደራሲያን ታሪኩን ሲያነቡ ደረጃ በደረጃ የሚመልሱት ጥያቄ ነው። ይህ የኣስሬ ታሪክ በኢትዮጵያዊያን መካከል ያለው ጥልቅ የፍቅር ግንኙነት የዕድገት/የለውጥ መሰናክልም ሊሆን እንደሚችል ያመለክታል። ግን ነው? በድጋሚ፣ ሌላ ኣማራጭ መንገድ ኣለ? ኣሁንም ምላሹን ተደራሲያን ከታሪኩ ያገኛሉ።

ጫማ ሰፊው:- በቤተሰቡ ውስጥ (ለኣባቱ ወንጀል ማህበረሰቡ በሰጠው ምላሽ ኣማካኝነት) ስነልቦናዊ ጉዳት የደረሰበት ኣንድ ልጅ፣ ተፅዕኖው ሊቋቋመው ከሚችለው በላይ ቢሆንበት፣ ኣከባቢውን ጥሎ ይጠፋል። የሚጠፋው ግን ከኣከባቢው ብቻ ሳይሆን ከራሱም ጭምር እንደሁ ኣንባቢያን ከታሪኩ ሂደት ይረዳሉ። ልጁ ራሱን፣ ማንነቱን፣ የቀድሞ ታሪኩን ሁሉ ጨርሶ ይረሳና በኣሶሳ ውስጥ በጫማ ሰፊነት ይኖራል። ራሱን ለማግኘት፣ ማንነቱን ለማወቅ፣ ታሪኩን ለመረዳት፣ እጅግ ጥልቅ ኣሰሳ ያደርጋል። በዚህ ሂደት ውስጥ ኣንድ እንግዳ የብቸኛነት ሕይወቱንና የብቻ-ብቸናነት ጎጆውን በርግዶ ይገባል። ይህ ሰው ማነው? ይህ ኣንባቢያንም ጫማ ሰፊው ራሱም ያለማቋረጥ የሚጠይቁት ጥያቄ ይሆናል። ደባሉ የሆነው ይህ እንግዳ ጎብኚ ጫማሰፊውን በሆነ-ባልሆነው መተነኳኮሱ ወደ ማንነቱ ያቀርበዋል ወይስ ጨርሶ ያጠፋዋል? ይህም ታሪኩ የሚመልሰው ሁነኛ ጥያቄ ነው። ይህ፣ በዋናነት የግላዊ ማንነት ፍለጋ ታሪክ ቢሆንም፣ ከማህበረሰቡ ጋር በጥብቅ የተሳሰረ ነው። እንደገናም፣ በኢትዮጵያዊ ቤተሰቦችና ማህበረሰቦች ኣባላት መካከል ያለው ጥብቅ ትስስር በግለሰቦች ህይወት ውስጥ ምን ያህል ተፅዕኖ ሊያሳድር እንደሚችል ያሳያል። (ይህ ታሪክ፣ ጥልቅ የጓደኝነት ሕይወትን የሚያሳይ፣ ከኣስቂኝ/ኮሜዲ ዘውግ ሊመደብ የሚችል ትረካ ነው።)    

ኣንድ ቢራቢሮና ሁለት ቢራብሮ:- በዋናነት ከብራዚል ምድር ተነስተው ለኣንድ ታላቅ ተልዕኮ ወደ ኢትዮጵያ ምድር ስለመጡ ሁለት ቢራብሮዎች የሚተርከው ይህ ታሪክ፣ ከላይ እንደተባለው፣ ባህሎችና ኣገሮች፣ በመንፈሳዊው/በዓዕምሮኣዊው ዓለም ውስጥ ምን ያህል እንደተሳሰሩ፣ በምድር የትኛውም ጥግ የሚሆን ኣንድ ክስተት በሌላው ማህበረሰብ ላይ ሊያሳድር የሚችለውን ተፅዕኖ፣ በተምሳሌታዊ ኣካሄድ ይመረምራል። ይህ፣ ኢትዮጵያ ብቻ ሳትሆን፣ ኣፍሪካም (የዓለም ጥቁር ሕዝቦች በኣጠቃላይ)፣ ታላቅ ሃይል ባላቸው ዓለም-ኣቀፋዊ የለውጥ ሂደቶች ውስጥ ማንነታቸውን/ኣወንታዊ ባህላዊ እሴቶቻቸውን/ ሳይለቁ እንዴት ለታላቅ ትንሳኤና ዕድገት ሊነሳሱ እንደሚችሉ የሚያመለክት፣ በይዘቱና በሚያነሳቸው ጉዳዮች፣ በተለያዩ የሙያ ዘርፎች (ስነ-ልቦና፣ ማህበራዊ ሳይንስ፣ ስነ-ሰብዕ፣ ፍልስፍና፣ ዘመናዊው የፊዝክስ ሳይንስ፣ ወዘተ…) ኣነጋጋሪ ጉዳዮችን የሚያነሳ ታሪክ ነው።

የሲሳዬ ልጆች/ኬክሮስና ኬንትሮስ፣ ሳይንሱንና ምናቡን፣ እውነቱንና ተረቱን ያጣመረው የቱ ጋ ነው? የሚል ጠያቂ ቢኖር እንደምላሽ ከኣፃፃፉም ከይዘቱም ኣንዳንድ ሃሳቦችን ማየት ይቻላል። በሦስቱ ንዑስ ልቦለዶች ውስጥ ያሉ ገፀ-ባህሪያት በእውኑ ዓለም ብዙም እንደማይገናኛኙ፣ የኣንዱ ሃሳብና ድርጊት ግን በሌላው ላይ ተፅዕኖ ሲያደርስ እንደሚታይ፣ ከላይ ኣይተናል። ይህ የኣንድ ነገር ወይም ክስተት ከቦታና ከጊዜ እሳቦት ውጭም በሌላው ነገርና ክስተት ላይ ተፅዕኖ ሊያደርግ የመቻሉ ጉዳይ ከዘመናዊው ሳይንስ ከኳንተም ሜካኒክስ (ለምሳሌ፣ non-locality)፣ ከባህሉ ደግሞ፣ ያች ስቅ ኣለኝ፣ ማን ኣንስቶኝ ይሆን? እምትለዋ ኣይነት ከቦታም ሆነ ከጊዜ ቀጥተኛ ግንኙነት ውጭም የመገናኘት የህብረ-ነፍስ ሃሳብ የተዳቀለ ነው። ሌላው፣ ከመፅሃፉ ዋነኛ ይዘቶች ኣንዱ የሆነው፣ ልክ እንደ ኣየር ሁኔታ ያሉ ውስብስብ ዲናሚካዊ ሂደቶች በቀዳሚ ምክንያቶች የማያቋርጥ ተፅዕኖ (the sensitive dependence of dynamic systems to initial conditions) ውስጥ የመሆናቸውና ይህም ሊታሰብና ሊተነበይ ከሚችል ውጭ ወደሆነ ውጤት ሊመራ የመቻሉ ጉዳይ ነው። ለምሳሌ የቢራቢሮ ክንፍ ፉርፉርታ እንደሱናሚ ያለ ታላቅ ነውጥና ማዕበል የማስነሳቱ ጉዳይ። ከዚህ ጋር በተያያዘ፣ ውጥንቅጥና ስርዓት-ዓልባ የሚመስሉ ክስተቶች፣ ከፍ ባሉ (ወይም በረቀቁ) የቦታና የጊዜ ማዕቀፎች ውስጥ ሲታዩ የራሳቸው ስርዓት ሊኖራቸው ይችላል የሚለው እውነት ነው። ይህ፣ በኣተራረኩም ዘዴ ተገልፆኣል። የትረካው ኣካሄድ ካንድ ታሪክ ወደሌላ ታሪክ በዘፈቀደ የሚዘልል ይመስላል። ግን፣ቀስ በቀስ ፍፁም ህብር ወዳለው ስርዓት ያመራል። ይህ፣ ከሳይንሱ ኬዎስ ቲዬሪ (Chaos theory)፣ ከባህሉ ደግሞ፣ የኣዳም መሳት፣ ወይም የኖህ ልጅ በኣባቱ ሃጥዓት መሳለቅ፣ በሰው ልጅ ታሪክ ላይ እማይታበስ ዕዳ ኣምጥቷል፤ የሚለው ሃሳብ ጋብቻ የወለደው ልጅ ሃሳብ ነው። ይህ፣ በቀጥታም ሆነ በተዘዋዋሪ የሰው ልጅ ታሪክ፣ የኣንድ ኣገርም ሆነ የኣንድ ሰው ህይወት፣ ይብዛም ይነስም ከኣየር ሁኔታዎች ጋር ከሚመሳሰሉ ውስብስብ ዲናሚካል ሲስተምስ ኣንፃር ሊታይ እንደሚችል ያመላክታል። ሌላው፣ ትልልቅ ትረካዎች፣ በትንንሽ ትረካዎች፤ ትልልቅ ህልሞች፣ በትንንሽ ህልሞች፣ ትልልቅ ክስተቶች በትንንሽ ክስተቶች ውስጥ ራሳቸውን የሚደግሙበት ሁኔታ ነው። ከዚህ ጋርም ተያይዞ፣ የሰው ልብም ሆነ መንፈስ ድንበር ዓልባ፣ ታሪኩም ልማዱም ድንበር ዓልባ፣ ማንነቱም ሳይቀር ኣንዱ በሌላው ውስጥ የተወሻሸቀ የመሆኑ፣ ኣንዱ ራሱን በሌላው ውስጥ የማግኘቱ፣ ኣንዱ የሌላውን ህልም የማለሙ፣ ጉዳይ ነው። ከሳይንሱ ይህ ከፍራክታል ጂኦሜትሪ (Fractal Geometry) ፅንሰ-ሃሳብ ተወስዶ ከምናቃት ከዶቃም፣ ከምናጣጥማት ኣነባበሮም፣ ከምንኖራት ስቅታም ምስል ገዝቶ የተገለፀ የሃሳብ ምህዋር ነው። እንግዲህ ይህ መግቢያና መውጫ እንጂ መፃፉን ራሱን ኣይደለም። ከዚህ በላይ እንድነግራችሁ ካሻችሁ ወደመፃፉ ልምራችሁ። ከቻላችሁ፣ እግራችሁን እንደ ቡዲሂዎች ኣጣጥፋችሁ ኩፍስ በሉና ተመሰጡበት! ታተርፋላችሁ። 

ሞኞች ሆይ፣ ኑና እንደዱሮኣችን እንሁን!

ሞኞች ሆይ፣ ኑና እንደዱሮኣችን እንሁን!

ምስር ብላ እንዳትሉኝ፣ “የምስራች!” ኣልልም። ሲያቅረኝ ውሎ ያድራል ምስር የበላሁ ለታ። እንኩ፣ እንዲሁ ዜናውን ልንገራችሁ፦ (የለ፣ ይቅርታ፣ ከዜናው በፊት መሟሟቂያ ነገር ላስቀድም።) ይህንን፣ በትንሽ በትልቁ መርገምት ያፈረና የሰከረ ዘመን፣ ይህንን ያለማቋረጥ በሚያርፍነት ጡጫ ያለልክ የነሰረ ዘመን፣ በማወደስ ልንደርደር። ይህ የቸርነት ዘመን ነው። ኣንዳንድ ግልፅ እውነቶች ልብ ልንላቸው ኣስታዋሽ ይሻሉ። ልነግራችሁ ወዳለው እውነት ያነቃኝ ኣንድ ወዳጄ ነው። ኣዎ፣ ይህ የፀጋ ዘመን ነው። ቀድሞ፣ ኣንድ መፅሃፍ ፍለጋ ቤተመፅሃፍት እንሄድና “ወጥቷል፣ ሳምንት ተመለሺ፤” እንባላለን። ዛሬ፣ ኣምስትና ኣስር ሺ መፅሃፍት በኪሳችን ይዘን እንዞራለን። ቀድሞ ደብዳቤ ፅፈን ፖስተኛው በሰላምና በቶሎ እንዲያደርስልን እንጸልያለን። ዛሬ፣ ኣንድ ገፅ ሳናባክን፣ ቦስጣም ቴምብርም ሳንል፣ በቅፅበት ውስጥ፣ ካሻን ባለሙ ሁሉ፣ እንነበባለን። ቀድሞ፣ ቄስ ትምህርት ፍለጋ ኣድማስ ኣሳብረን ዓመታት እንዋትታለን፤ ዛሬ፣ ቄሱንም መጣፉንም፣ እየጓዳችን እናገኛለን። እውነት ነው፤ ይህ የቸርነት ዘመን ነው። ልጨምር?

ቀድሞ፣ እንግሊዘኛ፣ ወይ ፈረንሳይኛ፣ ወይ ቻይኒኛ ኣለመቻላችን የማወቅ ግሮሮኣችንን እንቅ ኣርጎ ይይዝብን ነበር። ዛሬ፣ ማንኛውንም ቋንቋ በቅፅበት ተርጉመን ሚስጢር እንፈለፍላለን። የኛዋ ግዕዝ ዛሬም እዚያ ኣለመድረሷ ይህን ሃሰት ኣያደርገውም። የኛን የቤት ስራ ማን ሊሰራልን ኖሯል? ግዕዝ ቀርቶ የፈርዖኖች፣ የማያዎች፣ እንዲያውም የኣትላንቲሶች የሚስጢራት መፅሃፍት እንኳ ሳይቀሩ እንዳማለሉን ይቀራሉ የሚል ስጋት የለኝም። እንዲያው የቀድሞ ዘመናችን የንፍገት ባህሪይ ኣልላቀቀን ብሎ በስስት ውስጥ ሊያስኖረን ይታገለናል እንጂ፣ እርግጥ ነው፣ እጉያችን ያሉ ቀርቶ፣ ተሰረቁብን፣ ጠፉብን፣ እምንላቸው የብራናም ሆነ የዲንጋይ መፅሃፍቶቻችን በየቤታችን ይገኛሉ፣ በየጣታችን ፈቃድ ውስጥ ይሆናሉ። ትንሽ ጊዜ ብቻ፣ ትንሽ ጊዜ።

ዛሬ፣ እደ“ንጉስ” እያሱ በቁም እስር ውስጥ ያለ፣ ያለከልካይ በየኣገሩ ይዞራል። ዛሬ፣ ትንፍሽ እንዳይል የተበየነበት፣ ያለገደብ ይናገራል። ዛሬ፣ “ቤት እሰራበት ቀርቶ እቀበርበት እፍኝ መሬት ኣገኝ ይሆን?” ብሎ እሚሰጋ፣ የኔ ቢጤ እንደ ሰማይ ድንበር የለለው ቀላድ ይወርሳል፣ ከሰለሞንም ቤተመቅደስ የከበረ ህንፃ ይገነባል። (ለግዜው፣ ያ ቤቱ ከብርድ ባያድነውም።) “የምድር የተናቁና የተረሱቱ ሁሉ ታላቅና ገናና ይሆናሉ፤ ለጥበባቸውም፣ ለሃይላቸውም፣ ለግዛታቸውም ልክ ኣይኖራትም፤” የሚል ትንቢት ከነበር፣ ያ ትንቢት የተነገረው ስለዛሬና ስለኛ ነው። እነሆ ዓለማችን በየዓመቱ፣ እንዲያውም በየዕለቱ፣ ሺ ሰለሞኖችን እየወለደች! ባምስት ኣሶች ኣምስት ሺ ሰዎች የመጥገባቸው ተዓምር ስንት ዘመን ተሰበከ? እነሆ ዛሬ፣ ልናወድሰው ከምንችለው በላይ በተዓምራት የታጨቀ የተዓምር ዘመን መጣ! ኣንዳንዴ ሳስበው፣ እንዲህ በኣንድ ቀንና ዓመት ውስጥ፣ ሺ ቀናትና፣ ዓመታት መኖር እየቻልን፣ ዕድሜዓችንን እንደቀድሞው በ365 ቀናት ኣንዴ መቁጠራችን ኣግባብ ነው? እላለሁ። ለነገ ታሪክ ፀሃፊዎች፣ እነማቱሳላ ኣይደሉም በዓለም ላይ ብዙ የኖሩት። እኛ፣ የዚህ ዘምን ሰዎች ነን። እና፣ እንደጥንቱ 365 ቀኖቻንን በኣንድ ዓመት ብቻ እንዴት ይሰፈሩ? እንዲህ፣ ጓዳችንን ሳንለቅ፣ ሲያሻን በላስቬጋስ፣ ሲለን በሃቫና ኩቫ ውለን እያደርን፣ እንደቀድሞው ባንድ ኣገር ዜግነት መጠራታችንስ ኣግባብ ነው? “ያገርህ ሰዎች፣ እንዲህ በዘርና በሰፈር ተከፋፈለውና ታጥረው ሲናቆሩ እያየን ኣንተ እንዲህ ትላለህ፤” ኣትበሉኝ። ይህ፣ በዚህ በፀጋ ዘመን የኛ ውድቀት ነው። እንነሳለን። ትንቢት መናገሬ ኣይደለም። እውነት ነው። ይህ፣ እኛ ምን ብንጠብ፣ ምን ብንታጠር፣ መሆኑን እማናስቀረው እውነት። እንነሳለን፣ ልዩነታችንንም ውበታችን እናደርጋለን። እኛም’ኮ የእግዚኣብሄር፣ እኛም’ኮ የዘመናችን ልጆች ነን!          

ይህ ረጅም መንደርደሪያ ነው። ግን፣ ኣዎ፣ ይህ የቸርነት፣ ይህ የብርታት ዘመን ነው። ማድረግ ለምንችለው ነገር ገደብ የለውም። እነሆ ዜናው፦ ዛሬ፣ ኣዲስ የፍልስፍና ትምህርት ቤት ተከፍቶልናልና እንኳን ደስ ያለን! በኳንተም የጥናት ክበብ ላይ ዳግም ነፍስ የመዝራት ምጥ ኡቡንቱ ’ና ፑልቶ የሚል ስም ያንጠለጠለ ኣድስ የድረገፅ (ጦማር?) ተማሪ ቤትን ከነቃጭሉ ዱብ ኣርጓልና፣ ኑ፣ እንደዱሮኣችን ኣብረን እንፈላሰፍ! (ስንት ዘመን ኪራይ ቤት ፍለጋ ዋተትን? ያውም እንዲያ በግድግዳ የታጠረ፣ ሃምሳ ነፍሳትን ብቻ ተቀብሎ፣ ሞልቷል! እሚያስብል ስንዝር ክፍል ፍለጋ!)  

በነገራችን ላይ፣ ቢያንስ ለኳንተሞች፣ ቢያንስ ስለኳንተም ለሚያውቁ ወዳጆች፣ ቢያንስ በኳንተማዊያን ነፃነት ለተቃኘች ነፃ ነፍስ፣ “እንፈላሰፍ፣” ብሎ ግብዣ በ“ይራቅ!” እሚያስማትብ ኣይደለም። እንዲያ፣ በስንቱ ተፈላስፈንበት! “ሞኞች ሆይ” መባሉስ ነገር ነገር ኣይሸት ይሆን? ይህ የሚያስቆጣው፣ ይህችን ጥሁፍ ሊያነባት ኣይጀምርም ብዬ በማመን ወደጉዳዬ ልዝለቅ።

ያ፣ የኛ (የኳንተሞች) ልክፍት ኣልተጋብቷቸው የነበሩ ኣሳቢዎቻችን፣ ድሮም፣ “ምን ኣተርፍ ብላችሁ?” ይሉን ነበር። ዛሬም ይህችን ጥሪ ሲሰሙ፣ “ምን ልታተርፉ?” ይሉን ይሆናል ድጋሚ።      

በልጅነቴ እጎረቤቴ አባ ገገግ እሚባሉ እሳት የላሱ፣ እሳት የሆኑ ባለክራር ነበሩ። (የእውነተኛ ሰው እውነተኛ ስም ነው ኣባ ገገግ። ላከብራቸው ነው በስማቸው የጠራሁ። ደግሞም፣ የርሳቸውን ታሪክ፣ “ደበላ” ወይም “ደባልቄ” እሚባል ስም ተሸክሞት ስንዝር ሳይራመድ ሊወድቅ ይችላል ብዬ ሰጋሁ።) ክራር ኣክርረው እየሸጡ፣ እዚያች እቤታችን ጎን በነበረች ግራር ስር በዜማቸው ገበያቸውን እየጠሩና እያደሩ፣ የኔብጤዎችንም ከእንቅልፍም ከድብርትም እየቀሰቀሱ፣ ቀን ተቀብለው ቀን ሲሸኙ ይኖሩ ነበር፣ ኣባ ገገግ። ዛሬ መቃብራቸው ዝም ብሎ ዝም ኣስባላቸው’ንጂ (በኔ ብጤዎች ውስጥ ዛሬም እየተናገሩት ያለው ሳይቆጠር)፣ እሳቸው ኣማልለው ያልጠሯቸው፣ ነካክተውና ተራርበው ያላቀበጧቸው፣ ኣሳስቀውም ያልሸኟቸው ቀናት ነበሩ ብል ኣሳንሳቸዋለሁ። ሰፈራችን ሁሉም ዓይነት ሸቀጥ እሚሸመትባት የመሸታ ሰፈር ነበረችና፣ ከኣባ ገገግ ህይወት ላይ፣ ያድባሯን መርገምት፣ የሰውን ሃሜት ቀንሼ ሳስበው፣ የተማረች ነፍስ ይዘው ኖረው የተማረች ነፍስ ይዘው ያለፉ እንደሁ ይሰማኛልና እንዲያው ለልማድ ያህል፣ “ነፍሳቸውን ይማር!” ብዬ ልቀጥል።  

ባለክራር ኣዝማሪ ነበሩ ብላችሁ፣ “እስቲ ተግጥማቸው ኣቅምሰን፣” እንዳትሉኝ ፈራሁ። መልካም ግጥምን ሊያደንቅ ኣስቦ፣ “እሚዘመር፣” እሚል መምህር እመንገዴ ላይ ገጠመኝ ሰሞኑን። ያ ከግጥም ከፍታዎች ኣንዱ ደረጃ ይሆናል - የዘማሪውም የመዝሙሩም ዓይነት ብዙ ሊሆን ቢችልም። የኣባ ገገግ ግጥምና ዜማ እንዲያ ያለ ኣይደለም። ምን እሚሉት ምትሃት እንዳለው እንጃ፣ ልቦናን ልክ ወንፊትን እንደሚዘልቅ ውሃ ዘልቆ ከነፍስ ጥልቀት ውስጥ ሰጥሞ እሚቀር ዓይነት ነው። ግጥምና ዜማቸው ስለፍቅር ሳይሆን ፍቅርን ራሱን፣ ስለዕምባ ሳይሆን፣ ዕምባን ራሱን ስለሆነ ይሆናል። (እሰይ፣ ትንሽ ግነት ጥሩ ማምለጫ ሰጠኝ።) እና፣ ከኣባ ገገግ ግጥሞች፣ እንደ ኣዝማች እሚደጋግሟት ስንኝ ብቻ ናት ትዝ እምትለኝ፡- “ያ ገገጉ፣ ጋንጋድርሹ!” ምን ማለት እንደሆነች ኣላውቅም። ስላልገባችኝም ይሆናል ከዓዕምሮዬ ተሰንቅራ መቅረቷ።

ኣባ ገገግ ድሮም ቀልብ ሰራቂ፣ ጨዋታ ሰራቂ ነበሩ። እነሆ፣ ዛሬም ትዝታ ሰራቂ ሆነው፣ እኔን ብቻ’ንጂ ኣታውራ እያሉኝ ነው። “ዓለም ጥብርብርታ፣ የሳሙና’ረፋ”ን ማዜም ይወዱ ነበር እሳቸው። ታዲያ፣ ዓለምን ሲወዷት የብቻ ነው! ሰርክ እንደዘመሩላት እቅፏንም ሙቀቷን፣ ማዕጠንቷንም ቅባቷንም፣ … ሳይጠግቡ ነው ያለፉ - በ99ኛቸው (በኔ ስሌት)። ዓለምን እያሙና እያሳጡ መቅኒዋን ሲያጣጥሙ በመኖር አባ ገገግ ብቸኛ ሰው እንዳይደሉ እሚያስብ ካለ በኣንድ ምህዋር ላይ ነን። በኣጥቢያውም በሰበካውም “ዓለም ከንቱ፣ የከንቱም ከንቱ፤” እያሉ፣ በሃሳብም በድርጊትም ዓለምን እንደዋዋቴ እያኘኩ በሚኖሩ ጻድቃን መሃል ነው ያደግነው። የዚህ የግፏት እቀፏት ኑሮ-ጥበብ ምንጩ እምን እንደሁ ለማወቅ ስንማስን፣ ያው መልካሙ መጣፍ እንደሁ ደረስንበት። ኣይዋሽም ይባላልና ያ መጣፍ፣ “ይህችን ውብ ዓለም ከነቱ ማለቱ ለምን ይሆን?” ብለን ጠየቅን። (ኣንድ፡ ፍልስፍና ሳይነጋ ተጀመረ።)

“ለምን ይሆን? ለምን ይሆን? …” እያልን መልስ ፍለጋ ምናባችንን ስናስጋልብ፣ ለዓለም ዝማሬዎቿና ቅኔዎቿ፣ ለህይወት ርቅቀቷና ሚስጢራቷ ልባችንን እንድንከፍት ነው እንዲህ የሚለን መጣፉ፣ እንዲያ የሚሉን መምህራኑ። የሚል ሹክታ ተወደወዳኛው የደረሰን መሰለን። (ፍልስፍና በልጅነት ኑሯችን ውስጥ እንደዋዛ ራሱን እያሰረገች እንደሁ ልብ ይሏል።)

… ቅኔ ሞገሷ ዕምባ ነው። ይህ ፍልስፍና ኣይደለም፤ ቢያንስ ያበሻ ምድር እውነት ነው። ዝቅ ቢባል የኔ-ቢጤውና ሙሾ ኣውራጇ፣ ከፍ ቢባል መነኩሴውና ባህታዊዋ፣ በዕምባ ያጎመሩትን የቅኔ አዝመራ ሲመግቧት ለኖረች ምድር፣ ይህች የዕምባ ኣድባር ላፈራቻቸው ልጆቿም፣ ይህ በርግጥ እውነት ነው። ኣዎ፣ (ኣጋነንህ ወይም ዋሸህ እሚል ካለ ሲሻው ይክሰሰኝ እንጂ) ያበሻ ቅኔ፣ ያበሻ ሚስጢር፣ ያበሻ ዝማሬም ምንጯ ዕምባ፣ መፍሰሻዋም የዕምባ ፈለግ፣ መኖሪያዋም የዕምባ ሸለቆ ነው። ወይም፣ እናጠቃልል ከተባለ፣ ዕምባ ቋንቋ ሆና ስትገለጥ፣ ቅኔ ሆና ትዘመራለች። እና ታዲያ እኚያ፣ “ምን ኣተርፍ ብላችሁ?” እሚሉን ጠያቂዎች፣ ይህንን እያወቁም፣ “ከዓለም ደስታዋና ምቾቷ ይልቅ፣ በዕምባዋ ላይ ልብን መጣል ሞኝነትም ኣይደል?” ይሉንም ይሆን?
   
ነው’ንጂ! ሞኝነት ነው። ኋላስ ምን ሊባል? ያም ኣይደል ትርፉ ታዲያ - ሞኝ መሆን? ጥያቄ እንጂ መልስ እማይሰጠን ያ መልካም መጣፍስ ቢሆን፣ “ሞኝ ሁኑ” ኣይደል እሚለን? በሞኝነት እንጂ በብልጠትማ ማን ገነትን ወረሰ? እንኳን ገነትን ምድርንም የወረሷት ሞኞች ናቸው። ኣልሰሜ ካለ፣ “እንዴት?” ይበል። ቢያንስ፣ ስለዚያ፣ “የኮክ ፍሬ ለምን እምድር ወደቀ?” ብሎ የጅል ጥያቄ ስለደነቀረው የኔብጤ እሚያውቁ ይህን ኣይጠይቁም። ኮክም ሆነ፣ በለስም ሆነ፣ ኣጋምም ሆነ፣ እንቆቆ፣ በስሎ ሲያበቃ ወደ ምድር መውደቁ ምን ይደንቅና ያስጠይቃል? ጠየቀ ግን ያ፣ ኒውቶን እሚሉት ወፈፌ። ጠይቆም ኣላበቃ፣ ደረስኩበት ያለውን መልስ ኣለእፍረት ላለሙ ሁሉ ጮክ ብሎ ተናገረ። ተሳለቀበት ታዲያ ሰው በዚያ በጅል ግብሩ? እንዲያውም! እስቲ ተኣዳም ዘር እርሱ ታገኘው ሞገስ እሚተካከል ሞገስ ያገኘ ስንቱ እንደሁ ለማስላት እሚሻ ጣቶቹን ቆጥሮ ይንገረን። እና ታዲያ፣ ዓለምን የወረሷት፣ ዓለምን ያስገበሯት፣ እነማን ናቸው? … ሞኞችና የሞኝ ውላጆች ኣይደሉ?

ኣሌ የለውም ጃል፣ ትርፉ ቅኔ ነው ህይወት። ትርፉ ዝማሬ ነው ህይወት። ውበቱ ዕምባና ሞኝነት ነው ኑሮ። ሌላ ሌላውማ፣ ጠቢቧ እመቤት ወ/ሮ ቦጋለች እንደሚሉት፣ ሲሞላ ቦርጭ፣ ሲጎድል እከክ ነው። የዓለምም ጣዕም በቅጡ እሚገለጠው ይህ ምስጢር ለገባቸው ለእነ ኣባባ ገገግ ብቻ ሳይሆን ይቀር ብላችሁ? ለዚያም ኣይል 99 ዓመታት ኣንብተውባትም፣ ኣልበዋትም፣ ንጠው በቅቤዋ፣ ኣፍለተው በኣሬራዋ ሲያገሱ ኖረውም ሳይጠግቧት እሚለይዋት?    

ፈጣሪ ምድርንና ሰማይን ፈጥሮ ሲያበቃ፣ ብርሃን ይሁን ኣለ፤ ብርሃምን ሆነ። ሰው፣ ኢንተርኔትን (መረጃመረብ?) ፈጥሮ ሲያበቃ፣ እውቀት ይሁን! ኣለ፤ እውቀት ሊሆንም ጀመረ። ዘመኑ፣ እነሆ ድንበር የለሽ ኣደራሽ ሰጠኋችሁ፤ እያለን ነው። ሲሻችሁ ዝሩበት፣ ሲሻችሁ እጨዱበት፣ ሲሻችሁ ጋልቡበት፣ ሲሻችሁም ተጫጩበት ኣልያም ተንጫጩበት፣ እያለን! እኛ ብንፈላሰፍበት የቱ ከልካይ ይኖራል? ወዳጆቼ ሆይ፣ ይህችን ዓለም ናቅ ኣርገን እንዳሻን እምናወጋበት የፍልስፍና ትምህርት ቤት ተከፍቶላችሁዋልና፣ ኑ! ኣብረን ወደ ልጅነታችን፣ ወደ ጅልነታችን፣ ወደ ፍልስፍናችን እንመለስ። ሌላውማ፣ ያው፣ እትዬ ቦጌ እንደሚሉት …


(ኳንተም የጥናት ክበብን የማያውቋት በጥቂቱም ያውቋት ዘንድ፣ የሚያውቋትና የናፈቋት፣ ትዝታዋ መነሳሳትን ይፈጥርላቸው ዘንድ፣ ስለክበቧ የከተብኳትን ኣጭር ታሪክ፤ በወቅቱ የነበረው ድባብ በውስጤ የፈጠረው ስሜት ያዋለዳቸውን ኣንዳንድ መጣጥፎችም፣ በዚሁ ሰሌዳችን ላይ ቀስ በቀስ እሰቅልላችሁዋለሁ። እስከዛሬ በደረቅ ወረቀት በምድረ-ሃበሻ ስለበተንኳቸው ሥራዎቼም የመግቢያም የመውጫም ዓይነት ቅምሻም በዚሁ ሆደሰፊ ሰሌዳችን ላይ ኣኑሬኣለሁ። ማንበብ የሚሻ መነሳሻ ያድርጋቸው፣ ያነበባቸውም መከለሻ። ኣንብባችሁ ጥያቄ ኣለኝ ያላችሁኝ፣ እማንስማማበት ብዙ ጉዳይ ኣለም ያላችሁኝ፣ እነሆ በሩ ተከፍቷልና ጥያቄዎቻችሁንም ሃሳባችሁንም ኣጋሩን። እናንተስ እጃችሁ ከምን? … ዘራችሁ ይብዛ!   www.opulto.blogspot.com

Friday, January 10, 2014

The Seafarers’/Wayfarers’ Series

The Seafarers’/Wayfarers’ Series

“The Seafarers’ Series,” now renamed, “The Wayfarers’ Series” was started in 2004 to encourage the followers of all religion to write their perspective on fundamental questions of life focusing on children and youth in order to give young people hope and believe in the purpose and meaning of life. Some of the books published in this series are: 

Hiywot Andna Hulet: Lemin Tefeterku?
(Life One and Two: Why am I Created)
The Seafarers’ Series No.1, O’Tam Pulto. January 2004
Cover Design: Mulugeta G/Kidan

A discussion on life, death, and on the meaning and purpose of life from the Bahá’í perspective.


Unity and Peace (Andinet'na Selam)
The Seafarers’ Series No.2, O’Tam Pulto. January 2004
Cover Design: Mulugeta G/Kidan

The Dao of the Dusty Foot Philosopher:
Born Out of A Thousand Versions of Love
Wayfarers Series 3: O’Tam Pulto, OLand Books, July 2013, Addis Ababa.
Cover Design: O'Tam Pulto

This is a quest for African Philosophy/Mysticism or an attempt to think of issues related to personal development or mystic journey from the perspective of an African worldview. The first question the book raises is whether Africa has a mystic way or a philosophy and, if it does, what identifies it from other ways such as the Eastern or Westernized Eastern ways currently dominating the market. Then it goes on to present 35 steps of personal development in a very condensed and poetic fashion. It is forwarded in the hope of inspiring conscious efforts to develop a framework of moral development consistent with African shared values. It is in the category of an inspirational reading with the form not common to the Ethiopia literature. As a bonus, it contains other things such as the “history” of Quantum Study Circle – a book club once famous among book loving young people in Addis in the years between 2004 and 2006 (G.C). 



Affordance-Based Conceptual Framework for Landscape Architecture: Dealing with Change in Fixity and Fixity in Change

Affordance-Based Conceptual Framework for Landscape Architecture: Dealing with Change in Fixity and Fixity in Change

Sinkneh Eshetu Zeleke ; LAP Lambert Academic Publishing. 2012. Germany



This is one of the technical works of the author, a graduation thesis for Masters Degree in Landscape Architecture (Urban Planning and Design) at Zhejiang Agriculture and Forestry University, P. R. China. It is published as a book by LAP LAMBERT Academic Publishing and is available on major online booksellers such as www.amzone.com. It deals with:
●  The multi-dimensional perspective such as functional, social, ecological, cognitive, aesthetic, and spiritual, in which mankind relates to its environment;
●  The multi-dimensional changes happening among all these aspects in the context of modified landscapes; and,
●  A theoretical investigation on how designers may integrate these changes to create sustainable human environment. 

A Thousand Versions of Love (Shi Ye’Fikir Diqalawoch)

Shi Ye’Fikir Diqalawoch
(A Thousand Versions of Love)
O’Tam Pulto (Sinkneh Eshetu), October 2012, OLand Books, Addis Ababa
Cover Design: Abel Tilahun


A Thousand Versions of Love is a book unique and diverse in content, encompassing 35 wisdom stories from ancient China (in Amharic), the author’s reflections on cultural transformation and personal development based on the implications of each story (in Amharic and English), a newly proposed Ge’ez alphabet (Ha-Hu Be’Sidist Qan) and African language (A Thousand Versions of Love) learning methods (in Amharic, English and Chinese); a discussion on how the Ge’ez alphabet and numbers can be transformed and be adopted as one of Africa’s common heritages as a means of popularizing Pan-Africanism and African Renaissance.

Significant among the contents is the methods proposed for the study of Ge’ez Alphabet and Languages:
1.    Ha-Hu Be’Sidist Qan (Ha-Hu in Six Days): Inspired by literacy approaches employed elsewhere such as that of the educator Paulo Fereire in South America, this method proposes an approach to the study of the Fidal that begins from concepts and words and not from letters. The book presents story-based lessons for adult learners (foreigners, for example) that could help them learn the whole alphabet in, plus or minus, six days. Similar methods are being developed for children.
2.        Shi Ye’Fikir Diqalawoch (A Thousand Versions of Love): as a complementary to the study of Ge’ez letters, as well as as an independent method, A Thousand Versions of Love proposes a method to the study of some African languages such as Amharic based on the derivatives of a selected word. The Amharic word for “love,” Fikir, for example, has more than a thousand derivatives. Templates representing, more or less, the entire Amharic grammar are built based on these derivatives (Templates of Love).

Both the above methods, particularly if refined with the involvement of professionals in education and linguistics, are hoped to facilitate literacy in Ethiopia as well as the study of the Ge’ez letters and some Ethiopian languages as a foreign language.